Take a fresh look at your lifestyle.

Confine-mots
Auteur « Ronaldson SYLLA »
Tèks « Awona kowona »

190

Awonna kowona
Nou te bwè pwa ?
Pouki poun bay la pire a ?
Kote kodenn ap plimen
Yo di poul pa rete
Nan kisa yo foure n la ?
An mòd ki mele bouda’n
Je chire woule tete n
Jwe nan pwèl nou, fè n dous
Lage nan syèl pla men nou
Yon ti kaka san savon
Gen pawòl men pa gen bouch !
Gwòs pa gwòs
Depil fèt lap viv
Nap pare leyèt pou towo
Nou bliye si bwa n renmen
Pa souvan pouse nan bitasyon’n
Ti non gate te gentan ap tann gazèl :
SARS-CoV, Covid 19
Men kòm li pa gen papa
Li pote non manmanl kowona
Bèl fanm se bèl malè
Kowona grandi vit vit
Sou konn vetivè sou bò chimen
Li ak parazit dòmi sou menm kapay
Li agripe l sou tout sa l jwenn
Pitit kadejakè manzè vin san Pitit kadejakè manzè vin san pitye
Li monte fanm, li desann gason
Ak kilòt nan menl, lap koupe lap kreke
Sak goute deja di : gen bagay
Li gen bagay nan bagay li
Ak gouyad, li fè moun depale, rakle
Li pa bay tan pou respire
Dayè l di se kiyè bwa l ye
Li pa pè chalè
Sou konn madan deboure
Manzè mate tèt boudal
Ak yon melanj bazilik,
ti bonm, kanèl ak melis
Santi bon pasel nan pwen
Kowona posede, li vle posede n
Fant janm fanm lan fè nou fou
Nan jwèt filalang ak kach kach liben
Kowona san lè vale nou « kap glòt »
Kolew pran, pa kolew pran
Nan jwèt rat ak sourit sa
Pye poudre siye bouch li atè
Mache atè mete van nan vwèl li
Paske ti zòrèy di :
Zòt souse san, Li toufe moun tou
Ak yon dyòl dore tankou rèn Mediz,
Kowona ap chache nawè tout moun
Poul desounen, zonbifye, pete fyèl tou..
Nan fouk defouke sa
Nan bonbon siwo sa
nou resi bwè pwa
Fann nan kann, fann nan bannann
Nou resi konfine nan pak nou
Sou konn yon maklouklou
Nou pè jwe zo ak plim poul
Douvan pòt tounen dèyè kay
Lanjelis ap jwe marèl ak krepiskil
Sinonim nou sanble
Kou 2 gout dlo ak omonim nou
Nan konfinman, dimanch ramo pa di mo
Pou pa di ditou !
Nou pat anpil ane an nan chimen kwa
Pat gen bouwo pou kris la ane a
Dlo benit lan, nou pat bezwenl
Pou samdi sèlman, se chak jou
An lan 20, Simon fè yon move rèv
Kòk li chante 3 fwa nan fouk kowona
Vandredi sen pase tankou sendenden
Nan jou dimanch pak la
Jezi te resi site non malswen
Yo bay pou Pilat la
Poul lave menl nan ka ka’l la pour de bon
Poun manyè fini ak salopri
Yo bay pou Kowona
Yon 2020 an tenten
Ann priye pou 2021
Pa menm tenyen an

Ronaldson SYLLA
10 avril 2020

- Advertisement -

style="display:block" data-ad-client="ca-pub-4858771853165186" data-ad-slot="9329659520" data-ad-format="auto" data-full-width-responsive="true">

Les commentaires sont fermés.

This website uses cookies to improve your experience. We'll assume you're ok with this, but you can opt-out if you wish. Accept Read More