Take a fresh look at your lifestyle.

Confine-mots
Titre  » Mak rèl timoun lari »
Maude Asrica Cyla

246

Yon pil timoun ap fè laviwonndede
Pye atè san kanson dotouni nan lari
Anba pye yon vil sire tankou peny ti dan
Ap chante Kowona m pa pè w se moun ou ye
Yon pil timoun san zanmi
San fanmi san landemen
San rele san reponn
Yon pil timoun flègèdèp, lasi nan je, gwo vant, pye chèch kou ke pen
Yon pil tchovi lavi ap zonyen
Lari ap wonyen
Move tan ap pote ale antife
Anba je pete klere palè nasyonal
Chalmas ala kote gen koze papa !

Yon pil timoun kaka san savon
Yon pil ti loray kale
Ki pa konn gou kay ak ban lekòl
Yon bann ti pitimi san gadò
Ki pa ka konte sou mouche leta
Sosyete a bliye nan gwo liv la
Yon pil ti denlenkan sanzave sendenden kokorat
Kap tann tout kalte maladi adjipopo pase men pran yo

- Advertisement -

Lari fèmen pa gen afè
Lave men pa fèt pou chen
Antre nan kay pa fèt pou chen
Sèvitè gwo palto
Sèvite ti palto
Yon pil ti sèvitè
Ki pa janm jwenn sèvis…

Otè: Maude Asrica Cyla

Les commentaires sont fermés.

This website uses cookies to improve your experience. We'll assume you're ok with this, but you can opt-out if you wish. Accept Read More

%d blogueurs aiment cette page :