Take a fresh look at your lifestyle.

Madan Sara, Yon Dokimantè Ki Mete Fanm Ayisyen ak Travay yo, An Valè.

514

Madan Sara, Yon Dokimantè Ki Mete Fanm Ayisyen ak Travay yo, An Valè.

By Safety Promo

- Advertisement -

Madan Sara se yon nouvo dokimantè reyalizatè Ayisyen Etant Dupain ap prezante peyi a. Nan dokimantè sa a, reyalizatè an mete an valè travay fanm Ayisyen ki se motè ekonomi an. Madan Sara prezante Clotide Archile Yon Madan Sara nan Mache tèt dlo k ap vann legim. Istwa Clotide se istwa majorite fanm Ayisyen ki travay di e fè gwo sakrifis pou fè edikasyon 5 pitit li malgre li pèdi papa yo. Nan dokimantè sa a, reyalizatè Etant Dupain mete anpil aksan sou gwo pwoblèm Madan Sara yo ap viv chak jou. Pwoblèm kredi, enfrastrikti ak gwo pwoblèm ensekirite espesyalman boule mache.

Madan Sara, Yon Dokimantè Ki Mete Fanm Ayisyen ak Travay yo, An Valè.

Se yon dokimantè ki rich e ki fè istorisite Madan Sara e montre kote sa sòti. Nan dokimantè Madan Sara Edwidge Dantict ki se yon Ekriven Ayisyen Ameriken ki resevwa plizyè gran pri entènasyonal eksplike koneksyon ki egziste ant lavi li e prak biznis Madan Sara a. Edwidge Danticat Esplike kijan se Madan Sara ki leve li e kijan sa se yon bagay ki toujou prezan nan lavi l. 

Madan Sara tou gen ladan li 3 ekonomis ki eksplike byen jan Madan Sara se yon pratik biznis ki merite plis valè. Youn nan yo se ekonomis Camille Chalmers ki fè pale sou enpòtans Madan Sara pou ekonomi an e jan lete Ayisyen konplètman inyore travay fanm sa yo se ki motè ekonomi nasyonala lan.

Pou fini reyalizatè Etant Dupain montre gwo koneksyon ki genyen ant Madan Sara yo ak rèv pitit yo, nan yon sèn vrèman espesyal Dory Oscar ki se pitit Clotide gen gwo rèv e manman ede l akonpli rèv sa a. 

Madan Sara se yon dokimantè tout Ayisyen ta dwe gade, espeyslaman otorite yo ak timoun lekòl. 

Madan Sara ap sòti pou premye fwa nan dat  25 Oktòb 2020 an, a 4è lè Pòtoprens. 

Premye sòti Madan Sara ap yon evenman rezève pou Madan Sara, laprès, òganizasyon fanm ak òganizasyon dwa moun. Aprè pwojeksyon film lan, n ap gen yon panèl pou dyaloge ak laprès. 

Ou kapab vizit www.madansafilm.com pou plis enfòmasyon.

Les commentaires sont fermés.

This website uses cookies to improve your experience. We'll assume you're ok with this, but you can opt-out if you wish. Accept Read More